વિચારોનું વૃંદાવન

ગળું તરસે તો પાણી પીવાય ,

દિલ તરસે તો શું કરવું ?

ઘર સળગે તો વીમો લેવાય ,

સપના સળગે તો શું કરવું ?

આભ વરસે તો છત્રી લેવાય ,

આંખો વરસે તો શું કરવું ?

સિંહ ગરજે તો ભાગી જવાય ,

અહંકાર ગરજે તો શું કરવું ?

શરીર ભડકે તો રોકી લેવાય ,

મન ભડકે તો શું કરવું ?

કાંટો ખટકે તો કાઢી લેવાય ,

કોઈ વાત ખટકે તો શું કરવું ?

માણસ મલકે તો ખુશી થાય ,

મૌત મલકે તો શું કરવું ?

પીડા છલકે તો ગોળી લેવાય ,

વેદના છલકે તો શું કરવું ?

અજગર જકડે તો છૂટી જવાય ,

લત જકડે તો શું કરવું ?

પોલીસ પકડે તો જામીન થાય ,

જીદ પકડે તો શું કરવું…!!!