અમે , તમારા અંગત મિત્રો.
જયારે દેહ મૂકી ,
વિલાપ કરી રહ્યાં હતા તમે;
ત્યારે તમને ઘરમાંથી “કાઢવા”ની ,
તૈયારી કરી રહેલા અમે ,
તમારા અંગત મિત્રો.
જયારે સ્મશાનમાં,
અગનથી ઘેરાયેલા હતા તમે;
ત્યારે સુર્યનાં તાપથી બચવા ,
છાંયડો શોધી રહેલા અમે ,
તમારા અંગત મિત્રો
જયારે રાખનાં ઢગલાં બની,
પાછાં ફરી રહ્યાં હતા, તમે ;
ત્યારે આ શોકને ભૂલાવવા “યાર”,
ચાની એક પ્યાલી પી રહેલા અમે ,
તમારા અંગત મિત્રો
તમારી ટીપ્પણી